Saturday, April 02, 2011

சிங்கப்பூரின் ஐந்து முக்கிய சுற்றுலா இடங்கள்




தாக்காஷிமயாவுக்குப் பின்புறம்
முச்சந்தியில்
பச்சைவிளக்குக்குக் காத்திருந்த
அவசரமான நேரத்தில்


சிங்கப்பூரின்
சிறந்த சுற்றுலா இடங்கள்
ஐந்தை உடனே கூறுங்கள்
தொலைக்காட்சிக்காக
சில அவசரக் கேள்விகளை
எங்கள் நிறுவனம்
சிங்கப்பூரர்களிடம் கேட்கிறது


என்றவாறு
இருவர்
குட்டிக்கருவிகளுடன்
திடீரென்று தோன்றினார்கள்


கம்போங் புவங்காக்

புக்கிட் கோம்பாக் ஆமைகுளம்

அறிவியல் மையக்கூடத்திற்கு வெளியே
இருக்கும் மரவீடும் அங்குள்ள
அரிநெல்லிக்காய் மரங்களும்

(எம்பி குதித்து
பறித்துத் தின்றதைப் பற்றிச் சொல்லவில்லை)

புக்கிட் தீமா மலை

முதலைப் பண்ணை

இதுதானா

ஆமாம் இவைதான் என்றேன்


solvanam 25.3.2011