Thursday, October 06, 2005

முடிச்சு

----மாதங்கி

கழுத்துப் பட்டை அழகாய் கட்ட
இழுத்து கப்பலை நிறுத்திக் காட்ட
அழகாய் பின்னி கூந்தலை முடிய
நுழைந்து குகையில் நுணுகி செல்ல
அரங்கில் பட்டம் விட்டம் பறக்க
சுரங்கம் தோண்ட மலையேற முடிச்சு
மலர்தார் முடிக்க பலநிற முடிச்சு
விலங்கை ஆற்றிடை சற்றே நிறுத்திட
கவண்கடி செய்ய முடிச்சு மூப்பில்
சவமான பின்பும் ஓரிரு முடிச்சு
சிறிய பணியோ பெரிய பணியோ
சிறிது பெரிதாய் முடிச்சு கள்பல
ஆர்வம் பொங்க ஆக்கக் கற்போம்
முத்தாய் முடிச்சு முடிய முதற்கண்
முத்திரை பதிப்போம் முனைந்து முயல்வோம்
சேர்ந்தே அவிழ்க்க வேண்டிய முடிச்சு
சேட்டை செய்யும் கெட்ட முடிச்சு
அரட்டி கவலை கோபம் சோம்பல்
அரந்தை ஏழ்மை உரிமை மீறல்
அறிவீனம் ஐயம் சாதிப் பகைவெறி
நோய்பல பிடித்த தேகம் நலக்கேடு
மெய்வெறி நிறவெறி தனவெறி போர்வெறி
மதவெறி பிடித்த முட்டாள் முடிச்சே
கடிதோ தடித்தோ முடிச்சு இருப்பின்
அடியுடன் அறுப்போம் வேருடன் எரிப்போம்
முட்டுக் கட்டைப் போடும் முடமான
முள்முடிச் சுகளை முறித்து
முடிவிலா இன்பம் பெற்றிடு வோமே

oooOOOOooo

இலக்கியப்பணி இதழ் - ஆடி 2005

4 comments:

ஜெயந்தி சங்கர் (Jayanthi Sankar) said...

வலைப்பதிவுலகிற்கு
நல்வரவு மாதங்கி!
அன்புடன் ஜெ

பத்மா அர்விந்த் said...

வருக மாதங்கி.

பரஞ்சோதி said...

வருக வருக,

உங்களிடம் இருந்து பதிவுகள் நிறைய எதிர்பார்க்கிறேன்.

அன்புடன்

பரஞ்சோதி

மாதங்கி said...

Thanks a lot Mrs Jayanthi

Thankyou Mrs Padma

Thankyou Mr.Paranjothi.